Starfssvæði BS

Starfssvæði Brunavarna Suðurnesja bs. nær frá Hvassahrauni, n.t.t. sunnan Virkishóla um öll  Suðurnes að Reykjanestá utan Grindavíkur, um Seltjörn, og Flugverndarsvæði innan Keflavíkurflugvallar á Suðurnesjum.   Samvinna er við Flugvallarþjónustuna á Keflavíkurflugvelli, Slökkvilið höfuðborgarsvæðisins,  Slökkvilið Grindavíkur, Slökkvilið Borgarbyggðar og Slökkvilið Akraness og Hvalfjarðarsveitar  en þrjú þau síðastnefndu eru útkallsslökkvilið.

Starfsvettvangur BS bs.
Samkvæmt upplýsingum Hagstofu 1.janúar 2016 var fjöldi íbúa á svæðinu 22.509. (sjá eftirfarandi töflu um skiptingu og fjarlægð frá slökkvistöð BS).

Fjöldi íbúa á svæði slökkviliðsins var 19.383 þ.e. í Reykjanesbæ, Sveitafélaginu Garði, Sandgerðisbæ og Sveitafélaginu Vogum, en Grindavík rekur útkallsslökkvilið. Fjöldi íbúa í Grindavík er 3126, en Slökkvilið BS bs. annast sjúkraflutninga  á Suðurnesjum utan Grindavíkur.  Áætlaður fjöldi íbúðarhúsnæðis á svæði BS er rúmlega 8100.  Að auki eru margvísleg iðnaðarhúsnæði af misjöfnum stærðum, en þó ber mest á iðnaðarhúsnæði fyrir smærri iðnað svo sem verkstæði af ýmsum toga, sem og fiskvinnslu- og fiskverkunarhúsum af ýmsum stærðum.  Alþjóðaflugvöllur er á Suðurnesjum og fylgja því stórar byggingar eins og flugskýli og að sjálfsögðu flugstöðin sjálf. Áætlað er að  farþegar  um Flugstöð LE árið 2016 verði um 6,6 milljónir og þar af komium  um það bil rúmlega milljón farþegar inn í landið.  Miklir þungaflutningar eru um svæðið og í tengslum við flugvöllinn.  Suðurnes er mikill ferðamannastaður og má þar nefna að fjöldi heimsókna í  baðhús Bláa lónsins árið 2015 var  919 þús.

Eftirfarandi sýnir skiptingu íbúa á þjónustusvæðinu og lengstu vegalengdir frá slökkviliðsstöð BS.