Hópur slökkviliðsmanna BS nýtti sér aðstöðu og æfði reykköfun í Skólaskipinu Sæbjörgu á mánudaginn, en skipið lagði að bryggju í Keflavíkurhöfn um kl. 18:00 á föstudag, fyrri hópur slökkviliðsmanna BS æfði þá um kvöldið. Æfingin var eins og sú fyrri og byrjaði með námskeiði um elda í skipum sem Þráinn kennari við skólann sá um. Að því loknu var æft að flytja búnað slökkviliðsins og slökkviliðsmenn BS sjóleiðina með björgunarbát Björgunarsveitarinnar Suðurnes um borð í Sæbjörgu. Eins og í fyrri æfingunni var sett upp leikrit um að mikill eldur logaði í skipinu og að sex úr áhöfn skipsins væru sennilega lokaðir í rýmum skipsins m.a. í eldhúsi og vélarrými. Til viðbótar hafði einn 100 kg. Slökkviliðsstjóri (með púls) villst í einum af göngum skipsins og fundu reykkafara hann fljótlega, liggjandi þvert á gönguleið. Töluvert bras var að koma kauða upp stiga á milli þilfara og urðu reykkafarar m.a. að setja á hann bönd; enga aðstoð var að fá hjá áhorfendum sem var nokkuð skemmt við uppátækið. Alls voru sendir voru inn til leitar 9 reykkafarar Brunavarnar Suðurnesja, og fóru menn í leit nokkrum sinnum. Æfingin gekk vel og voru menn ánægðir með aðstöðuna í skipinu og þetta frábæra tækifæri. Bestu þakkir færum við áhöfn skipsins og öðrum þeim sem koma að undirbúningi og þátttöku þessa verkefnis. (Sigm. Eyþ.)
Skráning og undirbúningur -- miklar pælingar
Vélarrúmið -- Er vélstjórinn vafinn utan um rörið, sumir áttu að auki að loka fjórða krana á hægri hönd.