112

Fréttir

Dagatal 2012

Þá er árið 2011 að renna sitt skeið og 2012 nálgast óðfluga. Á þessum árstíma eiga slökkviliðsmenn það til að fækka fötum og sýna á sér líkamann og þetta ár verður engin undantekning. Starfsmenn Brunavarna Suðurnesja ákváðu í fyrra að búa til sitt fyrsta dagatal og viðbrögðin stóðu ekki á sér, hvert einasta dagatal var selt og færri fengu en vildu. Nú verður prentað í örlítið stærra upplagi en þó er búið að selja vel af því.
Að þessu sinni var ákveðið að taka allar myndir utandyra og lögðu þær 13 fyrirsætur sem prýða síður dagatalsins mikið á sig til að vel tækist. Flestir eru búnir að vera með kvef síðan en það hindrar þá ekki í því að selja dagatölin næstu daga í Nettó og Bónus. Þangað geta allir sem vilja koma höndum yfir þetta sjóðheita dagatal nálgast það. Einnig er hægt nálgast það á slökkvistöðina að Hringbraut 125. Við sendum líka hvert á land sem er.
Slökkviliðsmenn eru að safna fyrir Heimsleikum slökkviliðs- og lögreglumanna sem fara fram í Belfast á Norður Írlandi árið 2013 og fer allur ágóði af sölu dagatalsins í ferðasjóð fyrir þeirri ferð.
Hlökkum til að sjá ykkur!
Kær kveðja,
Slökkviliðs- og sjúkraflutningamenn Brunavarna Suðurnesja